दोस्रो चरणअघि नै टुंगियो प्रतिस्पर्धा : शालिकराम घिमिरे बने रास्वपा लुम्बिनी प्रदेश सभापति

दोस्रो चरणअघि नै टुंगियो प्रतिस्पर्धा : शालिकराम घिमिरे बने रास्वपा लुम्बिनी प्रदेश सभापति

राष्ट्रिय स्वतन्त्र पार्टी (रास्वपा) को लुम्बिनी प्रदेश सभापतिमा शालिकराम घिमिरे निर्वाचित भएका छन्। छ जनाबीच भएको प्रतिस्पर्धामा उनले पहिलो चरणमै सर्वाधिक १९९ मत प्राप्त गरेका थिए।

पहिलो चरणको मतदानमा कुनै पनि उम्मेदवारले आवश्यक ५१ प्रतिशत मत प्राप्त गर्न नसकेपछि शालिकराम घिमिरे र उनका निकटतम प्रतिद्वन्द्वी गोपाल घिमिरेबीच दोस्रो चरणको मतदान हुने तयारी गरिएको थियो। गोपालले पहिलो चरणमा ८७ मत प्राप्त गरेका थिए।

तर दोस्रो चरणको मतदान सुरु हुनुअघि नै गोपाल घिमिरेले शालिकरामलाई समर्थन गर्ने घोषणा गरेपछि प्रतिस्पर्धा समाप्त भएको थियो। त्यससँगै शालिकराम घिमिरे लुम्बिनी प्रदेश सभापतिमा निर्वाचित भएको मुख्य निर्वाचन अधिकृत गोकुल सापकोटाले जानकारी दिएका छन्।

पहिलो चरणको मतपरिणामअनुसार रुपन्देहीका गणेश पौडेलले ८४, बाँकेका डा. राजकुमार सुवेदीले ८०, रुपन्देहीकी मञ्जु भुसालले ७१ तथा रुपन्देहीका मधुप्रसाद अर्यालले १९ मत प्राप्त गरेका थिए।

गएराति सम्पन्न मतदानमा कुल ५५२ मत खसेको थियो। गोपाल घिमिरेको समर्थनपछि दोस्रो चरणको मतदान आवश्यक नपरेको र सहमतिमै नेतृत्व चयन भएको हो।

एक्सप्रेस

सम्बन्धित खबर

माओवादीका नेताहरूको ठगी, मिटरब्याज र अवैध लगानीले स्वर्गद्वारी सहकारी संकटमा !

बनेपा । काभ्रेपलाञ्चोकको बनेपामा रहेको स्वर्गद्वारी बचत तथा ऋण सहकारी संस्था पछिल्ला वर्षमा ठगी, मिटरब्याज र अवैध लगानीका कारण गम्भीर संकटमा परेको छ । तत्कालीन माओवादी केन्द्रका काभ्रेका संयोजक हाल नेपाली कम्युनिष्ट पा...

एमालेमा हलचल, तर खुल्न डर

आफू एमालेको राजनीतिमा फर्कने घोषणा गर्दा हलले गरेको साथ देखेर उत्साहित पूर्वराष्ट्रपति भण्डारीले मदनकै शब्द सापटी लिएर केही संकल्प पनि गरेकी छन् ‘अब म नेकपा एमाले परिवारको एक सदस्यको रुपमा पुन: जोडिएको छु, र यसमा म गर्व गर्दछु । मेरो कुनै विशिष्ट महत...