मङ्गल, ०३ चैत २०८२
Mahir News add
Mahir News add

सङ्खुवासभामा पहिरोको कहर : तीन परिवार सुरक्षित स्थानमा सारिए

Main News Image
Mahir News add

सङ्खुवासभा लगातारको वर्षासँगै आएको पहिरोले सङ्खुवासभाका विभिन्न क्षेत्रमा जनधन तथा कृषि क्षेत्रमा क्षति पुर्‍याएको छ। पहिरोको जोखिम बढेपछि तीन परिवारलाई सुरक्षित स्थानमा स्थानान्तरण गरिएको छ।

जिल्ला प्रहरी कार्यालय सङ्खुवासभाका अनुसार सभापोखरी गाउँपालिका–१ धुपुका धनबहादुर विश्वकर्मा र शान्तिराम पोखरेलका परिवार पहिरोको उच्च जोखिममा परेपछि सुरक्षित स्थानमा सारिएका छन्। विश्वकर्माको दुईतले घरको पछाडिको भाग पहिरोले क्षति पुर्‍याएको छ भने पोखरेलको घरसमेत जोखिममा परेको बताइएको छ।

त्यसैगरी खाँदबारी नगरपालिका–६ खानीडाँडाका यारबहादुर तामाङको परिवारलाई पनि सम्भावित जोखिमका कारण घरबाट अन्यत्र सारिएको छ। स्थानीय तह र सुरक्षाकर्मीको समन्वयमा प्रभावित परिवारलाई तत्काल सुरक्षित स्थानमा व्यवस्थापन गरिएको प्रहरीले जनाएको छ।

हाल विस्थापित परिवारहरू छिमेकीको घरमा आश्रय लिएर बसिरहेका छन्। पहिरोले धुपु क्षेत्रमा कृषियोग्य जमिनसमेत पुरिएको छ। स्थानीय किसान राजन राई, कर्ण राई र अम्बर राईले धान रोपाइँको तयारी गरिरहेको खेत पहिरोले कटान तथा पुरिएको जानकारी प्राप्त भएको छ।

धुपु प्रहरी चौकीबाट खटिएको टोलीले जोखिममा रहेका बासिन्दाको उद्धार तथा सुरक्षित स्थानमा स्थानान्तरण गर्ने कार्यलाई निरन्तरता दिएको छ। लगातार वर्षा भइरहेकाले थप सतर्कता अपनाउन स्थानीय प्रशासनले आग्रह गरेको छ।



Mahir News add

सम्बन्धित खबर

आज देशभरको मौसम मुख्यतया सफा रहने

काठमाडौ । हाल देशभर कुनै उल्लेखनीय मौसम प्रणालीको प्रभाव रहेको छैन । मौसम पूर्वानुमान महाशाखाका अनुसार आज दिउँसो सबै प्रदेशको पहाडी भू–भागमा आंशिक बदली रही बाँकी भू–भागमा मुख्यतया सफा रहनेछ । आज राति देशभर...

बालेन शाह प्रकरणले संसद अवरुद्ध, सभामुख प्रधानमन्त्रीसँग छलफलमा

बालेन्द्र शाह सम्बन्धी विषयलाई लिएर विपक्षी दलहरूले लगातार प्रतिनिधिस...

दक्षिण एसियामा वन क्षेत्रको उपलब्धतामा नेपाल दोस्रो, बढ्दै छ हरियाली

आजदेखि सरकारी कार्यालय समय घट्दै !

मिडियाबाजी डटकम काठमाडौँ, कात्तिक १६। सरकारले चालू आर्थिक वर्ष २०८२/८३ को लागि निर्धारण गरेको कार्यालय समय अनुसार आजदेखि कार्यालय समय १ घण्टा घट्ने भएको छ । 

काठमाडौँका विभिन्न स्थानबाट नाबालिकामाथि यौनशोषणमा संलग्न ५ जना पक्राउ

काठमाडौँ— नाबालिकालाई जबर्जस्ती यौनशोषणको कार्यमा लगाउने कसुरमा संलग्न भएको आरोपमा काठमाडौँ उपत्यकाका विभिन्न स्थानबाट पाँच जना पक्राउ परेका छन्। काठमाडौँ उपत्यकामा रहेका विभिन्न डान्सबार, क्लब, खाजाघर, स्पा सेन्टर तथ...