मनमैजुमा हात्तीको दाह्रासहित ५ जना पक्राउ, ट्रामाडोल पनि बरामद
काठमाडौंको मनमैजु क्षेत्रमा हात्तीको दाह्रा बिक्री वितरण गर्ने तयारी भइरहेको सूचनाका आधारमा प्रहरीले ५ जनालाई पक्राउ गरेको छ। काठमाण्डु उपत्यका अपराध अनुसन्धान कार्यालयको टोलीले विशेष छापा मारेर उनीहरूलाई नियन्त्रणमा लिएको हो।
पक्राउ पर्नेमा
काठमाण्डुका २५ वर्षीय राजिव महर्जन, २६ वर्षीय टेकप्रसाद गुरुङ, २७ वर्षीय आयुष
महर्जन, २४ वर्षीय पुरन बोहरा र २० वर्षीय
सन्तबहादुर भुजेल रहेका छन्।
प्रहरीका अनुसार
राजिव महर्जनको घर नजिकैको खाली जग्गामा गाडेर राखिएको अवस्थामा दुई थान हात्तीका
दाह्रा फेला परेको थियो। ती दाह्रा राष्ट्रपति कार्यालयबाट चोरी भएको हुनसक्ने
प्रारम्भिक निष्कर्ष पनि प्रहरीले सार्वजनिक गरेको छ। गत भदौ २३ र २४ गते भएको
जेनजी आन्दोलनका क्रममा राष्ट्रपति निवासमा तोडफोड र आगजनी भएको घटनासँग यो विषय
जोडिएको बताइएको छ।
त्यस्तै, पक्राउ परेकाहरूको साथबाट लागुऔषध ट्रामाडोलका १५०
ट्याब्लेट समेत बरामद गरिएको प्रहरीले जनाएको छ। उनीहरूविरुद्ध लागुऔषध नियन्त्रण
ऐन २०३३ र राष्ट्रिय निकुञ्ज तथा वन्यजन्तु संरक्षण ऐन २०२९ अनुसार थप अनुसन्धान
तथा कानुनी प्रक्रिया अघि बढाइएको छ।
एक्सप्रेस
सम्बन्धित खबर
भगवान शिव चाम्लिङ हुन सक्छन् : प्रधानमन्त्री ओली
गेस्टहाउसमा यौनजन्य गतिविधि बढेपछि स्थानीयको प्रदर्शन
जनकपुरधाम । जनकपुरका गेस्टहाउसमा अनैतिक गतिविधि हुने गरेको भन्दै स्थानीयले विरोध गरेका छन् । स्थानीयले अनैतिक क्रियाकलाप गराउने गेस्टहाउस तथा होटललाई कानुनी कारबाही गर्न माग गरेका छन् । जनक नगर सोसाईटी पिराडीले यौनजन्य...
प्रहरी कार्यालय आक्रमण गर्ने भारतीयसहित १५ जना पक्राउ
काठमाडौँ । जेनजी आन्दोलनका क्रममा प्रहरीले प्रहरी कार्यालयमा भएको तोडफोड, आगजनी र लुटपाटसँग सम्बन्धित १५ जनालाई पक्राउ गरेको छ । काठमाडौँ प्रहरी परिसरका प्रवक्ता एसपी पवनकुमार भट्टराईका अनुसार, घटनामा संलग्न रहेको ठोस...
जेनजीमाथि कुटपिट गरेको आरोपमा दुई वडाअध्यक्षपछि एमालेका अर्का नेता पक्राउ
काठमाडौँ । बाराको सिमरामा जेनजीलाई कुटेको आरोपमा प्रहरीले नेकपा एमालेका थप एक नेतालाई पक्राउ गरेको छ । प्रहरीेले एमालेका स्थानीय नेता अरबिन्द साहलाई पक्राउ गरेको हो । जेनजी कुटेको आरोपमा यसअघि नै एमालेबाट निर्वाचित जित...
निर्वाचनमा परिचालित हुन रणनीति बनाउँदै सशस्त्र प्रहरी
काठमाडौँ । सशस्त्र प्रहरीले निर्वाचन सुरक्षाका लागि हेडक्वार्टरदेखि गुल्मसम्म रणनीति बनाएर परिचालन हुने जनाएको छ । सशस्त्र प्रहरी बल प्रधानकार्यालयमा केन्द्रीय कमाण्ड स्थापना गर्दै गुल्मसम्म समन्वय गरेर परिचालन हुने जनाएको हो । सशस्त्र प्रहरी बलले...


