उपभोक्ता अधिकारकर्मीहरूले खानेपानीमा लगाइएको कर हटाउन तथा विद्युत् महसुलमा छुट दिन माग गर्दै काठमाडौंको बबरमहलमा प्रदर्शन गरेका छन्।

खानेपानी तथा सरसफाइ उपभोक्ता महासंघ नेपाल (फेडवासन)को आयोजनामा भएको प्रदर्शनमार्फत सरकारको ध्यानाकर्षण गराइएको हो।

प्रदर्शनमा सहभागी उपभोक्ताहरूले सन् २०३० भित्र सबै नागरिकलाई सुरक्षित खानेपानीको सुनिश्चितता गर्न, साना खानेपानी आयोजनाहरूलाई एकीकृत गरी बृहत् आयोजना सञ्चालन गर्न तथा उपभोक्ताको अधिकार सुनिश्चित गर्न माग गरेका छन्।

उनीहरूले खोला, कुला र पोखरीको संरक्षण तथा वृक्षारोपणलाई प्राथमिकता दिन पनि सरकारसँग आग्रह गरेका छन्।