काठमाडौं — नेपाली कांग्रेसबाट निर्वाचित दुई जना वडा अध्यक्षको पद रिक्त भएको छ। निर्वाचन आयोग ले बिहीबार सूचना जारी गर्दै दल त्याग गरी अन्य राजनीतिक दलमा प्रवेश गरेका कारण उनीहरूको पद स्वतः रिक्त भएको जनाएको हो।

आयोगका अनुसार नेपाली कांग्रेस को केन्द्रीय कार्यसम्पादन समितिबाट प्राप्त निर्णयको प्रतिलिपिका आधारमा पद रिक्त भएको घोषणा गरिएको हो। यो निर्णय राजनीतिक दल सम्बन्धी ऐन, २०७३ को दफा ३५(१) तथा राजनीतिक दल सम्बन्धी नियमावली, २०७४ को नियम २२ अनुसार गरिएको आयोगले उल्लेख गरेको छ।

पद गुमाउनेमा मुसिकोट नगरपालिका वडा नं. २ का वडा अध्यक्ष रविन्द्र केसी र धुर्कोट गाउँपालिका वडा नं. ३ का वडा अध्यक्ष पदम रहेका छन्। उनीहरूले कांग्रेस परित्याग गरी अन्य दल रोजेपछि कानुनी व्यवस्था अनुसार पद स्वतः रिक्त भएको आयोगले स्पष्ट पारेको छ।